- Дугаар
- 26/34
- Огноо
- Төрөл
- Хурлын тогтоолууд
НИЙСЛЭЛИЙН
ИРГЭДИЙН ТӨЛӨӨЛӨГЧДИЙН ХУРЛЫН
ТОГТООЛ
2026 оны 05 сарын 20 Дугаар 26/34 Улаанбаатар хот
Нийслэлийн өмчөөс төрийн болон
орон нутгийн өмчид тээврийн хэрэгсэл
шилжүүлэх тухай
Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.11 дэх заалт, 48 дугаар зүйлийн 48.1, 48.2 дахь хэсэг, Төрийн болон орон нутгийн өмчийн тухай хуулийн 77 дугаар зүйлийн 1 дэх хэсэг, 2 дахь хэсгийн 3 дахь заалт, 3 дахь хэсгийг тус тус үндэслэн Нийслэлийн иргэдийн Төлөөлөгчдийн Хурлаас ТОГТООХ нь:
1.Нийслэлийн өмчид бүртгэлтэй 4,497,688,500.00 (дөрвөн тэрбум дөрвөн зуун ерэн долоон сая зургаан зуун наян найман мянга таван зуу) төгрөгийн бүртгэлийн үнэ бүхий төрийн болон орон нутгийн өмчид шилжүүлэх тээврийн хэрэгслийн жагсаалтыг хавсралтаар баталсугай.
2.Хавсралтаар баталсан 37 тээврийн хэрэгслийг холбогдох журмын дагуу төрийн болон орон нутгийн өмчид шилжүүлэхийг Нийслэлийн Засаг дарга бөгөөд Улаанбаатар хотын Захирагчид зөвшөөрсүгэй.
3.Тогтоолын хэрэгжилтэд хяналт тавьж ажиллахыг Хурлын Эдийн засаг, төсөв, хөрөнгө оруулалтын хороо (Ж.Сандагсүрэн)-нд даалгасугай.
ДАРГА Д.ИХБАЯР